Ispaniyalik mashhur jurnalist Gilyem Balage top klublar «Barselona» hujumchisi Lionel Messining shartnomasi bilan bog‘liq vaziyatni kuzatib turganini aytdi.

«Barselona» shartnomani muhokama qilishga shoshilmayapti, qulay payt poylayapti. Chunki Messining shartnomasi 2018 yil yozigacha amal qiladi.

Klub Messi bilan shartnomani 2017 yilning 4 oyi ichida uzaytirishini e’lon qilgandi. Endi esa bu masalaga ehtiyotkorlik bilan yondashish zarurligi aytishyapti. Bundan, Messi bilan Inyestaga munosib maosh berish uchun «Barselona»ga moliyaviy mablag‘ yetishmayotganini taxmin qilish mumkin.

O‘z navbatida «Real» Kishtianu Ronaldu bilan shartnomani uzaytirganida bunday holat yuz bermagan edi.

Menimcha, Messi shartnomani uzaytiradi, biroq ko‘p narsalar hanuzgacha noaniqligicha qolmoqda.

Albatta, top-klublar hozirgi vaziyatni kuzatib bormoqda. Gvardiola Messini faoliyatini Kataloniyada tugatishi kerakligi haqida gapirgan. Ammo bilaman, «Manchester Siti», «Manchester Yunayted» va «Chelsi» futbolchiga: «Barselona»ni tark etishni istasang, biz seni qabul qilishga tayyormiz» - degan ma’nodagi xabarlarni jo‘natgan» - dedi Balage.