Bugun kunning ikkinchi yarmida Toshkentdagi “O‘zbekiston” mehmonxonasida to‘plangan "Navbahor" mavsumga tayyorgarlikning navbatdagi bosqichini boshlaydi.

Ayni paytda Qibrayda boshlangan mashg‘ulotda bir necha kun oldin “Navbahor” a’zosiga aylangan serbiyalik hujumchi Nemanya Yovanovich ham ishtirok etmoqda. Shuningdek, o‘tgan mavsum ikkinchi yarmini “Olmaliq”da o‘tkazib, "Navbahor"ning dekabr oyidagi yig‘inida qatnashgan darvozabon Akmal Ortiqov ham safga qo‘shildi.

Shu kunlarda jamoa ixtiyoriga yangi o‘yinchilarni yetib kelishi kutilmoqda. Shu o‘rinda "Navbahor"da yangi shifokor ish boshlaganligini ham qo‘shimcha qilish joiz. Oldingi yillarda Bekobodning “Metallurg” klubida ish yuritgan Baxtiyor Mirsagatov endilikda “Navbahor”da faoliyat olib boradi.

Navbatdagi bosqich davomida uchta nazorat uchrashuvini o‘tkazish rejalashtirilgan. Ertaga “Qo‘qon-1912” jamoasi bilan o‘yin bo‘lib o‘tadi. Mazkur uchrashuv 18 yanvar kuni soat 15.00da “Oq-tepa” klubiga qarashli o‘yingoh maydonida o‘tkaziladi.

Navbatdagi uchrashuvlar esa “Metallurg” (21 yanvar) va “Buxoro” (26 yanvar) jamoalariga qarshi bo‘lib o‘tadi.