"Bavariya" sardori Filipp Lam mavsum yakuniga yetgach butsasini mixga ilmoqchi.

33 yoshli futbolchi Mattias Zammerdan so‘ng bo‘sh turgan "Bavariya"ning sport direktori vazifasiga tayinlanishi mumkin.

Lam myunxenliklar safida 1995 yildan boshlab, o‘smirlik chog‘idan buyon to‘p surib keladi, 2002 yilda bosh jamoasi safida debyut qilgan.

U butun faoliyati davomida 8 marta Germaniya chempioni bo‘lgan va 7 marta mamlakat Kubogini qo‘lga kiritgan.

2013 yilda Lam "Bavariya"ni chempionlar ligasi g‘olibligiga olib kelgan. 2014 yilda jahon chempioni bo‘lgan Germaniya terma jamoasi sardori ham Lam bo‘lgan.

Bugun "Bavariya"ning yana bir o‘yinchisi - Xabi Alonso ham yozda faoliyatini tugatishini e’lon qilgan edi.