"Бавария" сардори Филипп Лам мавсум якунига етгач бутсасини михга илмоқчи.
33 ёшли футболчи Маттиас Заммердан сўнг бўш турган "Бавария"нинг спорт директори вазифасига тайинланиши мумкин.
Лам мюнхенликлар сафида 1995 йилдан бошлаб, ўсмирлик чоғидан буён тўп суриб келади, 2002 йилда бош жамоаси сафида дебют қилган.
У бутун фаолияти давомида 8 марта Германия чемпиони бўлган ва 7 марта мамлакат Кубогини қўлга киритган.
2013 йилда Лам "Бавария"ни чемпионлар лигаси ғолиблигига олиб келган. 2014 йилда жаҳон чемпиони бўлган Германия терма жамоаси сардори ҳам Лам бўлган.
Бугун "Бавария"нинг яна бир ўйинчиси - Хаби Алонсо ҳам ёзда фаолиятини тугатишини эълон қилган эди.
