Milliy olimpiya qo‘mitasi prezidenti etib Alisher Sultonov saylangach, o‘z-o‘zidan uning O‘zbekiston shaxmat federasiyasidagi prezidentlik o‘rni bo‘sh qolgandi. 1 fevral kuni tashkilotning navbatdan tashqari konferesiyasi bo‘lib o‘tdi va unda shaxmat federasiyasiga yangi prezident saylandi.

Unga ko‘ra, O‘zbekiston Xalq ta’limi vaziri Ulug‘bek Inoyatov bir vaqtning o‘zida shaxmat uchun ham javob beradigan bo‘ldi. Madaniyat va sport ishlari vazirining birinchi o‘rinbosari Murod Aliyev, «O‘zpaxtasanoateksport» xolding kompaniyasi boshqaruvi raisi Akmal Kamolov, Milliy olimpiya qo‘mitasi bosh kotibi Oybek Qosimov ishtirok etgan konferensiyada, shuningdek, Ulug‘bek Inoyatovga yordam beruvchilar ro‘yxati ham tasdiqlandi.

FIDE delegati Husan Turdialiyev shaxmat federasiyasining birinchi vise-prezidenti bo‘ldi. Akmal Kamolov, Bahodir Umurzoqov, Eldor G‘ofurov, Tursunali Qo‘ziyev hamda jahon chempioni Rustam Qosimjonov vise-prezident lavozimini egalladi. Tashkilot bosh kotibi vazifasini Xurshidabonu Xoliqova bajaradi.