"Liverpul" bosh murabbiyi Yurgen Klopp APLning 24-turida "Hall"ga qarshi uchrashuv oldidan fikrlari bilan o‘rtoqlashdi.
Klopp bo‘lg‘usi raqibining o‘tgan turda "MYU" bilan 0:0 hisobida durang o‘ynaganini esladi.
"Hall"ning "MYU" bilan o‘yinini ko‘rgan istalgan kishi uning o‘yinidan zavq olgan bo‘lsa kerak. Ha, oxirgi 20-daqiqada bir tomonga futbolni ko‘rdik, chunki manchesterliklar uzoq masofaga to‘p oshirib o‘ynay boshladilar Og‘ir bo‘ldi, ammo "Hall" turib berdi, uning posboni ikki marta ajoyib seyv qildi. "Hall" 19-o‘rinda bormoqda, ammo uning o‘yiniga qarab, bunga ishonging kelmaydi.
Ular bilan uchrashuvda nima bo‘ladi ko‘ramiz. "Liverpul" "MYU"ga qaraganda butunlay boshqacha futbol o‘ynaydi. O‘yinga tayyormiz. Rejalarimiz amalga oshsa, g‘alaba qozonishimiz mumkin", - deydi Klopp.
"Liverpul" ayni vaqtda 4-o‘rinda, "Hall" sa 19-o‘rinda bormoqda.
"Hall Siti" - "Liverpul" uchrashuvi 4 fevral kuni bo‘lib o‘tadi.