Ijtimoiy-siyosiy o‘zgarishlar to‘lqinidan o‘tib borayotgan Janubiy Koreya katta sport tadbiriga tayyorlanmoqda.
Uzoq sharq mintaqasida joylashgan Janubiy Koreya Respublikasi aholisi o‘tgan oylar ichida ko‘plab ijtimoiy-siyosiy o‘zgarishlarga guvoh bo‘ldi. Bugun, 9 fevral kunidan rosa bir yil o‘tib start oladigan dunyodagi eng katta sport tadbirlaridan biri, qishki Olimpiada o‘yinlariga tayyorgarlik ko‘rayotgan rasmiy doira vakillari barchasi iziga tushib ketishidan umidvor.
Kanvondo provinsiyasidagi Pxyonchxan uyezdi kelasi yil, 2018 yil 9 fevraldan to oyning 25 sanasigacha deyarli yuzga yaqin millat vakillaridan iborat uch ming atrofidagi atletlarni kutib oladi. Bu qishki Olimpiada bahslari Janubiy Koreya zaminida ilk bora o‘tkazilmoqda.
Ma’lumot uchun, kelgusi qishki Olimpiada o‘yinlari Pxyonchxanda tugashi bilan estafeta Tokioga topshiriladi. Yana bir chegaradosh qo‘shnisi Xitoy 2022 yilgi yozgi Olimpiadaga mezbonlik qiladi.
