MYU hujumchisi Antoni Marsial, tez orada sobiq jamoasi «Monako»ning g‘aznasini to‘ldirishi mumkin.
«Uotford» (2:0) klubiga qarshi o‘yinda 21 yoshli futbolchi MYU safidagi 24-golini urgan edi. Endi uning navbatdagi goli «monegasklar»ni 10 mln yevroga boyitadi.
Gap shundaki, futbolchi 2015 yilda, «Monako»dan MYU tarkibiga o‘tganida, shartnomasida shu haqda band kiritilgan edi. Ya’ni, Marsial 25ta gol urishi bilanoq, «Monako» 10 mln yevro bonus olishi kerakligi belgilangandi.
Bundan tashqari, agar Marsial Fransiya terma jamoasi safida 25 o‘yin o‘tkazsa, unda MYU yana 10 mln yevro, agar «Oltin to‘p»ga nomzod bo‘lsa, yana 10 mln yevro bonus to‘lashi lozim bo‘ladi.
