"Arsenal" bosh murabbiyi Arsen Venger YECHL 1/8 finalida "Bavariya"ga qarshi birinchi o‘yin oldidan fikrlari bilan o‘rtoqlashdi.
"Bavariya" bilan avvalgi uchrashuvlarni unutishimiz va ertangi o‘yinga e’tibor qaratishimiz kerak. Ular bilan har yili o‘ynaymiz va ular oldida musobaqada g‘olib chiqish vazifasi o‘zgarmagan. Biz zafar quchishga qodirmiz, javob uchrashuvida ustunligimiz bor. Ammo ertaga yomon o‘ynasak, buning ahamiyati qolmaydi.
"Bavariya" har doimgiday ustunlik qilishga urinadi. To‘pni nazorat qilib, tezkor hujum uyushtiradi. Ertaga juda yaxshi o‘ynashimiz kerak. Darvozani Ospina qo‘riqaydi. Aynan uning guruh bosqichidagi o‘yinlari tufayli biz shu yerdamiz", - deydi Venger.
