Kolumbiyaning «Atletiko Nasyonal» klubi ijtimoiy tarmoqlarda yarim himoyachi Xames Rodriges erkin agent sifatida jamoa safiga qo‘shilganini ma’lum qildi.

Xames Rodriges faoliyati davomida «Portu», «Monako», «Real» Madrid, «Bavariya», «Everton», «San-Paulu», «Rayo Valyekano», «Leon», «Minnesota Yunayted» va boshqa jamoalarda to‘p tepgan.

«Real» safida kolumbiyalik futbolchi ikki marta Ispaniya chempioni bo‘lgan. Shuningdek, u «qirollik klubi» bilan ikki martadan Chempionlar ligasi, UEFA Superkubogi va klublar o‘rtasidagi jahon chempionatida g‘olib chiqqan. Uning sovrinlari orasida yana bir marta Ispaniya Superkubogidagi g‘alaba ham bor.

«Bavariya» bilan Rodriges ikki marta Germaniya chempionati va bir marta mamlakat kubogida g‘olib chiqqan.

«Portu» tarkibida esa u uch marta Portugaliya chempioni bo‘lgan. Shuningdek, bir martadan Portugaliya kubogi, mamlakat Superkubogi va Yevropa ligasida g‘oliblikni qo‘lga kiritgan.