Qishning so‘nggi kunida «Andijon» navbatdagi sinov-nazorat bahsini o‘tkazdi.
Bugun jamoa safarda birinchi liga vakili «Yozyovon-lochinlari» bilan bellashdi. Ayni damda tarkibda deyarli o‘ttizga futbolchi borligi tufayli murabbiylar shtabi o‘yinchilarni ikki tarkibga ajratdi.
Birinchi tarkib Yozyovondagi o‘yinda ishtirok etgan bo‘lsa, ikkinchi tarkib kuniga ikki mahal mashg‘ulot o‘tkazdi. Ular bilan ertalabki mashg‘ulotni Rasul Rahmonov o‘tkazdi. Tushlikdan so‘ng esa bosh murabbiy Vitaliy Legayning o‘zi boshchilik qildi.
Tarkibga darvozabon Abdukarim Muhamedov bilan yarim himoyachi Shahzod Karimov kelib qo‘shildi. Yaqin orada yana bir hujumchi kelib qo‘shilishi kutilmoqda.
So‘nggi yillarni «Andijon» yoshlar jamoasida o‘tkazgan iqtidorli futbolchi Abror Komilov viloyatning boshqa bir jamoasi «UzDongJu»ga ko‘chib o‘tdi.
Bugungi sinov-nazorat bahsida murabbiylar yana bir bor futbolchilarning imkoniyatlarini ko‘zdan kechirdi. «Andijon» o‘yin davomida tajriba va mahorat bobida raqibidan biroz ustunroq ko‘rindi. Ammo mezbonlar ham qarshilik ko‘rsatishga urindi. Yakunda Sanjar Asqaraliyevning yagona goli «burgutlar»ning g‘alabasini ta’minladi.
Endi navbatdagi o‘rtoqlik uchrashuvi 2 mart, payshanba kuni «Norin»ga qarshi bo‘lib o‘tadi. Mazkur o‘yin Andijonda, Sho‘rbuloq dahasidagi «FIMI» stadionida bo‘lib o‘tadi. Bahsning boshlanish vaqti soat 12:00ga belgilangan.
28/02/2017
Nazorat uchrashuvi.
«YOZYOVON-LOCHINLARI» - «ANDIJON» 0:1.
Yozyovon. «Paxtakor» stadioni.
Gol: Sanjar Asqaraliyev.
«YOZYOVON-LOCHINLARI»: Bahodir Yigitaliyev, Otabek Mahamadjonov, Jasur Saidov, Bunyod Abdumannonov, Shahboz Abdurahmonov, Zokir Nurmatov, Xayrullo Qodirov, Zohid Ismoilov (S), Adham Ahmadjonov, Bekzod Maxpiraliyev.
ZAXIRA: Jasur Tojiboyev, Ulug‘bek Olimov, Yoqubjon Eraliyev, Maqsad Ibragimov, Islom Nazirov, Jahongir Dadaboyev, Davron Xolmatov.
«ANDIJON»: Abdukarim Muxamedov, Dilmurod Mahmudov, Abdurasul Komilov, Akbar Xodjayev, Oybek Nurmatov, Muhammadyusuf Abdumajidov, Sanjar Asqaraliyev, Farhod Bekmuratov, Ibrohim Otaxonov, Shahboz Jumaboyev, Anvar Berdiyev.
ZAXIRA: Ahror O‘ktamov, Sherzod Sodiqjonov, Alisher Abduvohidov, Alisher To‘xtasinov, Shahzod Karimov.
