Italiyaning "Milan" klubini xitoylik investorlarga sotish bo‘yicha kelishuv bir oy muddatga qoldirildi, deya xabar beradi Football Italia.
Berluskonilar oilasi tegishli "Fininvest" xolding kompaniyasi bu klubning 99,9 foiz aksiyalarini xitoylik investorlarga sotmoqchi. Kelishuv summasi 320 million yevroga baholangan, ammo manbada keltirilishicha xitoyliklar klubni bir oydan so‘ng 100 mln yevro evaziga sotib olmoqchilar. Silvio Berluskoni summani kamayishiga rozi emas va Xitoy tomoni aprel oyida kerakli mablag‘ni to‘liq o‘tkazishi kerak
"Klubimiz vakillari bilan Xitoy tomoni o‘rtasida bir nechta uchrashuv bo‘lib o‘tdi, ammo hozir biroz qiyinchiliklarga duch kelindi, hammmasi yaqin vaqt ichida ma’lum bo‘ladi", - deydi "Milan" matbuot xizmati.
