"Real"ning sobiq yarimhimoyachisi, hozirda "Arsenal" futbolchisi Mesut O‘zil madridliklar safida sobiq bosh murabbiyi Joze Mourinyo bilan janjalashishdan chetda qolmagan, deya xabar beradi Bild.
Hozirda "MYU"ni boshqarayotgan portugaliyalik mutaxassisga Germaniya terma jamoasi futbolchisining o‘yini yoqmagan.
Manbada keltirilishicha, Madriddalik chog‘ida Mourinyo O‘zilga shunday degan: "Bilasanmi nima? Sen dushga bor, chunki sen - hali ona suti og‘zingdan ketmagan bolasan, senga muhtojmasmiz. Ikkita yaxshi to‘p oshirish yetarli deb o‘ylaysanmi? Raqiblar bilan kurashish uchun sen juda noziklik qilasan. O‘zingni yaxshi o‘ynayman deb hisoblaysan, ammo 50 foiz kuch bilan o‘ynay olasan, xolos".
O‘zil 2010 dan 2013 yilgacha "Real" sharafini himoya qilgan, xuddi shu davrda Mourinyo madridliklarga ustoz bo‘lgan.
