"Реал"нинг собиқ яримҳимоячиси, ҳозирда "Арсенал" футболчиси Месут Ўзил мадридликлар сафида собиқ бош мураббийи Жозе Моуриньо билан жанжалашишдан четда қолмаган, дея хабар беради Bild.
Ҳозирда "МЮ"ни бошқараётган португалиялик мутахассисга Германия терма жамоаси футболчисининг ўйини ёқмаган.
Манбада келтирилишича, Мадриддалик чоғида Моуриньо Ўзилга шундай деган: "Биласанми нима? Сен душга бор, чунки сен - ҳали она сути оғзингдан кетмаган боласан, сенга муҳтожмасмиз. Иккита яхши тўп ошириш етарли деб ўйлайсанми? Рақиблар билан курашиш учун сен жуда нозиклик қиласан. Ўзингни яхши ўйнайман деб ҳисоблайсан, аммо 50 фоиз куч билан ўйнай оласан, холос".
Ўзил 2010 дан 2013 йилгача "Реал" шарафини ҳимоя қилган, худди шу даврда Моуриньо мадридликларга устоз бўлган.
