Yarimhimoyachi Xames Rodriges «Real» klubidagi faoliyati haqida gapirdi.
«Biz ahil jamoamiz. Buni «Eybar»ga qarshi o‘yin ko‘rsatib berdi. Biz har doimgidek yakdilmiz. Faqat g‘alaba uchun maydonga tushamiz.
Menga imkoniyat berilganida, o‘zimni har tomonlama namoyon etishga harakat qilaman. Faqat shu haqda o‘ylayman.
Har doim shu yerda o‘ynashni istayman. Albatta, kelajakni oldindan aytish qiyin. Ammo shu yerda qolmoqchiman» - dedi kolumbiyalik futbolchi.
Xames Rodrigesning «Real» bilan tuzgan shartnomasi 2020 yilgacha amal qiladi.
