«Manchester Yunayted» klubi Yevropa ligasidan o‘rin olgan «Rostov» klubiga qarshi o‘yindan oldin, muxlislarini yozma ravishda ogohlantirdi.
O‘yinni tomosha qilish uchun Angliyadan Rossiyaga 400 nafar muxlis yo‘l olgan edi.
«MYU» ularga klub ramzi tushirilgan kiyimlarni kiymaslik, tinchlikni saqlash va boshqalarning e’tiborini jalb qilmaslikni tavsiya qildi. Rossiyalik bezorilarning hujum qilish ehtimoli mavjudligi sababli, klub o‘z muxlislariga faqat polisiya xodimlari bor ko‘chalarda yurish, guruh bo‘lib harakatlanish va yolg‘iz holda shaharni aylanmaslikka chaqirdi. Jamoa muxlislariga Yevro-2016da yuz bergan voqealarni unutmaslikni eslatdi.
