Shvesiyaning «Ester» klubi simulyasiya ishlatib, mug‘ombirlik qilgan futbolchilarini jazolaydigan bo‘ldi.
Bu haqda klub rahbari Yohan Lindberg xabar bermoqda.
«Biz simulyasiyaga qarshimiz. Hatto yetakchi futbolchilarimizga ham qarshi borishga tayyormiz. Bu bilan boshqa klublarga o‘rnak bo‘lmoqchimiz.
«Barselona» - «PSJ» o‘yini bizni bunga ilhomlantirdi. Bizga bunday futbol kerak emas. Bunday g‘alabalarni istamaymiz.
Ko‘p yillardan buyon bu muammo haqida o‘ylamoqdaman. Nega bunday ishlar uchun hech kim jazolanmayapti?» - dedi «Ester» rahbari Yoxan Lindberg.
