Швециянинг «Эстер» клуби симуляция ишлатиб, муғомбирлик қилган футболчиларини жазолайдиган бўлди.
Бу ҳақда клуб раҳбари Йоҳан Линдберг хабар бермоқда.
«Биз симуляцияга қаршимиз. Ҳатто етакчи футболчиларимизга ҳам қарши боришга тайёрмиз. Бу билан бошқа клубларга ўрнак бўлмоқчимиз.
«Барселона» - «ПСЖ» ўйини бизни бунга илҳомлантирди. Бизга бундай футбол керак эмас. Бундай ғалабаларни истамаймиз.
Кўп йиллардан буён бу муаммо ҳақида ўйламоқдаман. Нега бундай ишлар учун ҳеч ким жазоланмаяпти?» - деди «Эстер» раҳбари Йохан Линдберг.
