«Манчестер Юнайтед» ярим ҳимоячиси Каземиро АПЛнинг 34-туридан ўрин олган «Брентфорд»га қарши баҳсда ўзига хос тарзда голини нишонлади. 34 ёшли футболчи учрашувнинг 11-дақиқасида рақиб дарвозасини ишғол этди.
Голни нишонлаш вақтида бразилиялик футболчи жамоа эмблемасига ишора қилиб, уни бир неча бор ўпди. Бу ҳолат «Олд Траффорд»га йиғилган минглаб мухлисларни тўлқинлантириб юборди ва улар бараварига «Яна бир йил!» дея ҳайқира бошлашди. Шу тариқа ишқибозлар мавсум якунида клубни тарк этишини эълон қилган Каземирони қолишга ундашди.
Аввалроқ тажрибали футболчи ёзда «Манчестер Юнайтед»дан кетишини расман тасдиқлаган эди. Жамоадошлари ва мухлисларнинг кетма-кет илтимосларига қарамай, Каземиро ҳозирча ўз қарорида қатъий эканини билдириб келмоқда.
