Dortmundning «Borussiya» klubi ofisi xodimlari zudlik bilan evakuasiya qilindi.
Mahalliy vaqt bilan soat 16-15da ofis xodimlaridan biri polisiyaga qo‘ng‘iroq qilib, pochtadan kelgan xatlar orasida oq kukun solingan konvert topilgani haqida xabar bergan.
Natijada, voqea joyiga o‘t o‘chiruvchilar, maxsus qutqaruv xizmati xodimlari tashrif buyurib, ofis xodimlarini zudlik bilan evakuasiya qilgan.
Hozircha oq kukunning qanday modda ekani noma’lumligicha qolmoqda. Bu borada tekshiruv-surishtiruv ishlari boshlab yuborilgan.
Avvalroq, «Real» prezidenti Florentino Peres ham oq kukun solingan xat olgani haqida xabarlar chiqqan edi.