"Arsenal" posboni Petr Chex jarohat tufayli bir oy maydonga tusha olmaydigan bo‘ldi.
Chexiyalik darvozabon APLning 29-turi doirasida "Vest Bromvich"ga qarshi o‘yinda jarohat oldi va maydonni erta tark etdi. Sky Sports tarqatgan ma’lumotga qaraganda, Chex jarohatidan forig‘ bo‘lishi uchun 1 oy vaqt ketadi.
Shu bois darvozabon "kanonirlar"ning APL doirasidagi "Manchester Siti", "Vest Xem", "Kristal Pelas" va "Midlsbro" qarshi o‘yinlarini o‘tkazib yuboradi. Shuningdek, Petr Chex Angliya kubogi yarim final bosqichi doirasida "Manchester Siti"ga qarshi o‘yinda ishtirok eta olmaydi.