Gollandiyaning «Ayaks» klubi yarimhimoyachisi Jastin Klyuyvert o‘zining kumiri hamda qaysi jamoada o‘ynash istagi borligini haqida gapirdi.

«Ronalduning o‘yinlarini sevib tomosha qilaman. Nafaqat o‘yinlarini tomosha qilaman, balki har bir ishimni xuddi u kabi bajarishga intilaman. Xuddi Ronaldudek mashg‘ulotlar bilan yashayman. Qisqasi, u mening kumirim.

Ammo «Barselona» - mening orzumdagi jamoa. 7 yildan beri «Barselona»da o‘ynashni orzu qilaman, ammo undan oldin o‘z kuchimni Angliya chempionatida sinab ko‘rmoqchiman» – deydi kichkina Klyuyvert.