Fransiya terma jamoasi va Myunxenning «Bavariya» klubi hujumkor yarim himoyachisi Maykl Olise faoliyatini o‘z vatanida davom ettirishi mumkin.

Fichajes jurnalistlari ma’lumotlariga ko‘ra, «PSJ» futbolchini o‘z safiga qo‘shib olishdan manfaatdor. Parijning top-klubi rahbariyati vingerning transferi uchun nemislarga 180 million yevro taklif qilmoqchi.

«PSJ» bu futbolchini xarid qilishga qiziqish bildirayotgan Madridning «Real» klubi bilan raqobatlashadi.

O‘tgan mavsumda Maykl Myunxen jamoasi safida 52 ta o‘yinda ishtirok etdi. Olise 22 ta gol urdi va 31 ta golli uzatmani amalga oshirdi. Transfermarkt uning qiymatini 150 million yevroga baholamoqda.