"Yuventus" hujumchisi Paulo Dibalo yozgi transferlar chog‘ida kataloniyaliklar safiga o‘tishi mumkin, deya xabar beradi Mundo Deportivo.
Argentinalik futbolchi italiyaliklar safini tark etishini bildirgan. Kataloniyaning Mundo Deportivo nashri buning bir nechta sabablarini keltirgan.
Messi. "Barselona"ning asosiy yulduziga Argentina termasidagi jamoadoshining kataloniyaliklar safiga olib kelish yoqmoqda.
Hujum chizig‘i. 2016 yilning yozida kataloniyaliklar rahbariyati Messi-Suares-Neymar uchligidagi braziliyalik hujumchiga muqobil tariqasida Dibalani olib kelish variantini ko‘rib chiqqan edi. Hozir "Barselona" maydonda bir vaqtning o‘zida to‘rt hujumchi bilan o‘ynashni rejalashtirmoqda. Bunda Messi orqaroqda o‘ynaydi, Dibala, Neymar va Suares hujum chizig‘ida harakatlanadilar.
Shartnomadagi tovon puli. Agar "Barselona" va "Yuventus" transfer borasida kelisha olmasalar, Dibala "Yuve" bilan shartnomasini uzaytiradi.
Muzokaralar bu ikki klubning YECHL 1/4 finalidagi ikki uchrashuvidan so‘ng boshlanishi kutilmoqda. Shuningdek, Dibala uchun to‘lanadigan pulga "Barselona"ning uch o‘yinchisi - Andre Gomesh, Ivan Rakitich yoki Xavyer Maskeranodan biri qo‘shib berilishi mumkin.
Transfer summasi 80-100 million yevro atrofida bo‘lishi aytilmoqda.
