"Ювентус" ҳужумчиси Пауло Дибало ёзги трансферлар чоғида каталонияликлар сафига ўтиши мумкин, дея хабар беради Mundo Deportivo.
Аргентиналик футболчи италияликлар сафини тарк этишини билдирган. Каталониянинг Mundo Deportivo нашри бунинг бир нечта сабабларини келтирган.
Месси. "Барселона"нинг асосий юлдузига Аргентина термасидаги жамоадошининг каталонияликлар сафига олиб келиш ёқмоқда.
Ҳужум чизиғи. 2016 йилнинг ёзида каталонияликлар раҳбарияти Месси-Суарес-Неймар учлигидаги бразилиялик ҳужумчига муқобил тариқасида Дибалани олиб келиш вариантини кўриб чиққан эди. Ҳозир "Барселона" майдонда бир вақтнинг ўзида тўрт ҳужумчи билан ўйнашни режалаштирмоқда. Бунда Месси орқароқда ўйнайди, Дибала, Неймар ва Суарес ҳужум чизиғида ҳаракатланадилар.
Шартномадаги товон пули. Агар "Барселона" ва "Ювентус" трансфер борасида келиша олмасалар, Дибала "Юве" билан шартномасини узайтиради.
Музокаралар бу икки клубнинг ЕЧЛ 1/4 финалидаги икки учрашувидан сўнг бошланиши кутилмоқда. Шунингдек, Дибала учун тўланадиган пулга "Барселона"нинг уч ўйинчиси - Андре Гомеш, Иван Ракитич ёки Хавьер Маскеранодан бири қўшиб берилиши мумкин.
Трансфер суммаси 80-100 миллион евро атрофида бўлиши айтилмоқда.
