O‘zbekistonlik bokschi Fazliddin G‘oibnazarovning professional ringdagi ilk raqibi nomi aniq bo‘ldi.
Rio—2016 qahramoni o‘zining ilk jangini 22 aprel kuni o‘tkazishi avvalroq ma’lum qilingan bo‘lib, to‘qnashuvga AQSHning Kaliforniya shtati Karson shahrida joylashgan ClubHub Center arenasi mezbonlik qilishi aytilgandi. O‘sha kuni G‘oibnazarov amerikalik Viktor Vaskesga qarshi ringga chiqadigan bo‘ldi.
Viktor Vaskes 1995 yil AQSHning Nyu-York shahrida dunyoga kelgan. U professional boksda hozirga qadar 9 ta jang o‘tkazgan bo‘lib, shularning 7 tasida raqiblarini mag‘lub etgan. 3 ta jangda raqiblari nokaut qabul qilib olgan.
Vaskes hisobida 2 ta mag‘lubiyat ham bor. Ularning birida amerikalik charm qo‘lqop ustasi nokaut holatidan chiqib keta olmagan.
