"Fenerbaxche" UYEFA tashkilotini sudga berdi.
Fotospor xabariga ko‘ra, Turkiya klubining bu ishga qo‘l urishiga «Shaxtyor» futbolchisi Fredning «doping ishi» sabab bo‘lgan.
Gap shundaki, «Fenerbaxche» Chempionlar ligasi 2015/16 mavsumining saralash bosqichida «Shaxtyor» bilan o‘ynagan. Unda braziliyalik Fred turkiyaliklarga qarshi maydonga tushgan. Vaholanki, futbolchining ustidan doping iste’mol qilishi yuzasidan surishtiruv ishi ochilgan edi. Ikki o‘yin natijasiga ko‘ra, «Shaxtyor» keyingi bosqichga chiqqan. Fred esa keyinchalik uzoq muddatga diskvalifikasiya qilingan.
Endi «Fenerbaxche» UYEFA tashkilotini sudga berib, 10 mln yevro undirib olishni ko‘zlamoqda.
