"Obod” – “Bunyodkor” (1:1) uchrashuvidan keyingi matbuot anjumanida “qaldirg‘ochlar” ustozi o‘z fikrlarini bayon qildi.

"Uchrashuv haqida nima deyishga ham xayronman. Bugun maydonda bitta jamoa o‘ynadi. Ha, bu shubhasiz – “Obod”. Bizning yigitlar esa og‘ir uchrashuvdan keyin tiklanish jarayonini o‘tkazishayotgandek ko‘rindi. Ochig‘ini buni boshqacha ta’riflay olmadim. Terma jamoalarga nomzod bo‘lgan yetti nafar futbolchimizni kecha ko‘rdim. Shu boisdan ham boshqacha uslubda o‘ynashga to‘g‘ri keldi. Bugun 5-3-2 sxemasini tanladik. Bu taktikada avval ham o‘ynaganmiz. 37-daqiqadan keyin uslubimizni o‘zgartirdik. Hisobni tenglashtirganimizdan keyin o‘yinimiz biroz ko‘zga ko‘rindi va o‘zimizga o‘xshadik", - deydi Sergey Lushchan.