Namanganda Oliy liganing 5-turidan o‘rin olgan “Navbahor” va “Mash’al” jamoalari bahsi o‘z nihoyasiga yetdi.

Qiziqarli va keskin kurashlarga boy kechgan uchrashuvda maydon egalari kichik hisobda g‘alaba qozondi. O‘yindagi yagona golga “Navbahor”ning 3-raqamli o‘yinchisi Hasanboy Ergashev mualliflik qildi.

O‘yindan so‘ng o‘tkazilgan matbuot anjumanida "Navbahor” bosh menejeri Ilhom Mo‘minjonov ishtirok etdi va o‘yin haqida o‘zining qisqacha fikrlarini bildirib o‘tdi.

"Bugungi o‘yinga jiddiy tayyorgarlik ko‘rgan edik, bugun maydonda borini berib o‘ynagan futbolchilarimdan fahrlanaman. Jarohat olgan futbolchilar kecha o‘yinga tayyorliglarini bildirishdi va bu uchun ulardan xursandman.

Bugungi o‘yinga jiddiy tayyorgarlik ko‘rgan edik. "Mash’al" jamoasini esa biz uch kun davomida sinchiklab o‘rgangan edik.

O‘yindan avvalgi yo‘qotishlar esa meni havotirga solmadi. Boisi, jamoamdagi barcha futbolchilar asosiy tarkib futbolchilari hisoblanishadi va ularning ko‘rsatayotgan o‘yinlaridan mamnunman.

Futbolchilarimga esa alohida rahmat aytmoqchiman va ular bilan faxrlanaman. Ular bugun maydonda borini berib o‘ynashdi. Bizni qo‘llab-quvatlab turgan muxlislarimizga ham o‘z minnatdorchiligimizni bildiramiz. 

"Navbahor" tarkibida 11ta emas 23 ta asosiy tarkibga munosib futbolchilar bor, ularning 3 tasi darvozabon qolgani maydonga tushadigan futbolchilar. Bugun g‘alaba qozonish uchun ularning faqatgina 14 nafari maydonga tushdi, holos qolganlari keyingi o‘yinlarda asqotadi" - dedi Mo‘minjonov.