Наманганда Олий лиганинг 5-туридан ўрин олган “Навбаҳор” ва “Машъал” жамоалари баҳси ўз ниҳоясига етди.

Қизиқарли ва кескин курашларга бой кечган учрашувда майдон эгалари кичик ҳисобда ғалаба қозонди. Ўйиндаги ягона голга “Навбаҳор”нинг 3-рақамли ўйинчиси Ҳасанбой Эргашев муаллифлик қилди.

Ўйиндан сўнг ўтказилган матбуот анжуманида "Навбаҳор” бош менежери Илҳом Мўминжонов иштирок этди ва ўйин ҳақида ўзининг қисқача фикрларини билдириб ўтди.

"Бугунги ўйинга жиддий тайёргарлик кўрган эдик, бугун майдонда борини бериб ўйнаган футболчиларимдан фаҳрланаман. Жароҳат олган футболчилар кеча ўйинга тайёрлигларини билдиришди ва бу учун улардан хурсандман.

Бугунги ўйинга жиддий тайёргарлик кўрган эдик. "Машъал" жамоасини эса биз уч кун давомида синчиклаб ўрганган эдик.

Ўйиндан аввалги йўқотишлар эса мени ҳавотирга солмади. Боиси, жамоамдаги барча футболчилар асосий таркиб футболчилари ҳисобланишади ва уларнинг кўрсатаётган ўйинларидан мамнунман.

Футболчиларимга эса алоҳида раҳмат айтмоқчиман ва улар билан фахрланаман. Улар бугун майдонда борини бериб ўйнашди. Бизни қўллаб-қуватлаб турган мухлисларимизга ҳам ўз миннатдорчилигимизни билдирамиз. 

"Навбаҳор" таркибида 11та эмас 23 та асосий таркибга муносиб футболчилар бор, уларнинг 3 таси дарвозабон қолгани майдонга тушадиган футболчилар. Бугун ғалаба қозониш учун уларнинг фақатгина 14 нафари майдонга тушди, ҳолос қолганлари кейинги ўйинларда асқотади" - деди Мўминжонов.