Oliy liganing 5-turidan o‘rin olgan “Sho‘rtan” – “Lokomotiv” (2:0) uchrashuvidan so‘ng, mezbonlar ustozi Ixtiyor Karimov o‘z fikrlarini aytdi.
"Avvalambor bizlarni doim qo‘llab-quvvatlab kelayotgan G‘uzorlik muxlislarimizga minnatdorchilik bildiraman. Ularning qo‘llab-quvvatlashlari bizga katta dalda bo‘ldi. Buni 12-kuchga tenglashtirsam adashmagan bo‘laman. Futbolchilarimiz bugun ajoyib o‘yin namoyish etishdi. Haqiqatdan ham iqtidorli futbolchi ekanliklarini isbotlashdi. O‘z o‘rnida, ularga buning uchun katta rahmat aytaman. “Lokomotiv” jamoasini yutish hammaga ham nasib qilavermaydi. Buning uchun yana bir bor yigitlarga va muxlislarimizga tashakkur aytaman.
Futbolda, umuman sportda omadsiz ish bo‘lmaydi. Omadi bor jamoa hamisha g‘alaba qozonishga harakat qiladi. Modomiki, shunday ekan men bundan hursandman.
G‘alabaga bo‘lgan tashnalik va iroda bugun o‘z so‘zini aytdi. Yigitlarimz oldida, darvozamizdan gol o‘tkazmaslik va imkoniyatlarni samarali yakunlash maqsad va vazifalari qo‘yilgan edi va ular buning uddasidan chiqdilar" - dedi Karimov.
