Олий лиганинг 5-туридан ўрин олган “Шўртан” – “Локомотив” (2:0) учрашувидан сўнг, мезбонлар устози Ихтиёр Каримов ўз фикрларини айтди.

"Авваламбор бизларни доим қўллаб-қувватлаб келаётган Ғузорлик мухлисларимизга миннатдорчилик билдираман. Уларнинг қўллаб-қувватлашлари бизга катта далда бўлди. Буни 12-кучга тенглаштирсам адашмаган бўламан. Футболчиларимиз бугун ажойиб ўйин намойиш этишди. Ҳақиқатдан ҳам иқтидорли футболчи эканликларини исботлашди. Ўз ўрнида, уларга бунинг учун катта раҳмат айтаман.  “Локомотив” жамоасини ютиш ҳаммага ҳам насиб қилавермайди. Бунинг учун яна бир бор йигитларга ва мухлисларимизга ташаккур айтаман.

Футболда, умуман спортда омадсиз иш бўлмайди. Омади бор жамоа ҳамиша ғалаба қозонишга ҳаракат қилади. Модомики, шундай экан мен бундан ҳурсандман.

Ғалабага бўлган ташналик ва ирода бугун ўз сўзини айтди. Йигитларимз олдида, дарвозамиздан гол ўтказмаслик ва имкониятларни самарали якунлаш мақсад ва вазифалари қўйилган эди ва улар бунинг уддасидан чиқдилар" - деди Каримов.