Мадриднинг «Реал» клуби янги бош мураббийи Жозе Моуриньо «Спортинг»нинг таянч ярим ҳимоячиси Мортен Юльманн билан шартнома имзоламоқчи. Бу ҳақда Defensacentral нашри хабар бермоқда.
Манбанинг маълум қилишича, «Вест Хэм» ярим ҳимоячиси Матеуш Фернандеш трансферининг амалга ошиш эҳтимоли пасайганидан сўнг, Моуриньо Португалия чемпионати орқали ўзига жуда яхши таниш бўлган Юльманн харидига эътибор қаратган.
26 ёшли даниялик футболчининг «Спортинг» билан шартномасида 88 миллион евро миқдорида товон пули тўлаб сотиб олиш банди мавжудлиги таъкидланмоқда. Бироқ хавбекка Мадриднинг «Атлетико» клуби ҳам жиддий қизиқиш билдирмоқда ва улар лиссабонликларга аллақачон 40 миллион евролик таклиф юборишган.
2025/26 йилги мавсумда Юльманн барча мусобақаларни инобатга олган ҳолда 45 та учрашувда майдонга тушиб, учта гол урди ва олтита голли узатма муаллифига айланди.
