"Bavariya" hujumchisi Robert Levandovski Bundesliganing 28-turida "Borussiya" D bilan uchrashuvda (4:1) dubl qayd qildi va ikkinchi bo‘limda jarohat olib maydonni tark etdi.
72-daqiqada darvozabon Roman Byurki polshalik futbolchiga qoida buzgan holda tashlandi va Robert noqulay tarzda quladi. Levandovski penaltini aniq bajarib, so‘ng maydonni tark edi.
"Levining oyog‘i lat yegan. Shifokorlar uning chorshanba kuni muammosiz o‘ynay olishini aytdilar", - deydi "Bavariya" bosh murabbiyi Karlo Anchelotti.
Shu tariqa, Levandovski 12 aprel kuni YECHL chorak finalida "Real"ga qarshi maydonga tusha olishi ma’lum bo‘ldi.
"Hech qanday vahimaga o‘rin yo‘q. Men tavakkal qilishni istamadim. "Real"ga qarshi uchrashuvga yaxshi tayyorgarlik ko‘raman", - deydi futbolchining o‘zi.
