"Бавария" ҳужумчиси Роберт Левандовски Бундеслиганинг 28-турида "Боруссия" Д билан учрашувда (4:1) дубль қайд қилди ва иккинчи бўлимда жароҳат олиб майдонни тарк этди.
72-дақиқада дарвозабон Роман Бюрки польшалик футболчига қоида бузган ҳолда ташланди ва Роберт ноқулай тарзда қулади. Левандовски пенальтини аниқ бажариб, сўнг майдонни тарк эди.
"Левининг оёғи лат еган. Шифокорлар унинг чоршанба куни муаммосиз ўйнай олишини айтдилар", - дейди "Бавария" бош мураббийи Карло Анчелотти.
Шу тариқа, Левандовски 12 апрель куни ЕЧЛ чорак финалида "Реал"га қарши майдонга туша олиши маълум бўлди.
"Ҳеч қандай ваҳимага ўрин йўқ. Мен таваккал қилишни истамадим. "Реал"га қарши учрашувга яхши тайёргарлик кўраман", - дейди футболчининг ўзи.