Yevropa Chempionlar ligasining chorak finalidan joy olgan «Atletiko» — «Lester» o‘yini taqdirini penaltidan kiritilgan yagona gol hal qilgandi.
Takroriy lavhalar bosh hakam Yunas Eriksonning qarori noto‘g‘ri ekanini ko‘rsatib berdi. Fol jarima maydonchasi tashqarida yuz bergan bo‘lib, Grizmann jarima maydonchasining ichiga yiqilgandi. Hakam esa buni penalti deya baholadi.
«Bu muhim qaror edi. Men hakamga u adashganini aytdim. Uning qarori bizga qimmatga tushishi mumkin. O‘yindan so‘ng hakamga yuzlanganimda fol chiziq ustida bo‘lganini, ammo takroriy lavhada qoidabuzarlik jarima maydonchasi tashqarisida amalga oshganini aytdi. Ha, u yerda penalti emas, jarima zarbasi bor edi. Qarordan esa xafsalamiz pir bo‘ldi. To‘g‘ri, hakamlik ishi og‘ir, ammo muhim vaziyatlarda to‘g‘ri qaror qabul qilishlarini istaymiz» - dedi Kreyg Shekspir, «Lester» bosh murabbiyi.
