“Bavariya” o‘z maydonida Madridning “Real” klubiga 1:2 hisobda mag‘lubiyatga uchradi. O‘yindan so‘ng “Bavariya” yarim himoyachisi Aryen Robben o‘z fikrlarini bildirib o‘tdi.

“Uchrashuv umuman boshqa hisobda yakunlanishini kutgan edik, “Bavariya” birinchi bo‘limda g‘alabaga loyiq o‘yin qo‘rsatgan edi. Lekin birgina xato rejalarimizni o‘zgartirib yubordi.

Natijani ijobiylashtirish uchun yana oldimizda yana 90 daqiqa bor, o‘ylaymanki bu vaqt bizga “Santyago Bernabeu”da g‘alaba qozonish uchun yetadi.

Javob uchrashuvida “Bavariya” o‘zgacha o‘yin ko‘rsatishiga ishonaman”, - deydi Robbena klub matbuot xizmatiga bergan intervyusida.