«Borussiya» D rahbari Xans-Yoaxim Vaske avtobus oldida yuz bergan portlashdan so‘ng, Chempionlar ligasida ishtirok etishdan bosh tortmoqchi bo‘lgan.
«Yuz bergan voqeadan so‘ng, Chempionlar ligasini tark etish haqida o‘yladik. Ammo bunday qilsak, terrorchilar o‘z maqsadiga erishgan va g‘alaba qilgan bo‘lardi.
Ertasi kuni kimdir maydonga tushishini istamasa, bu haqda murabbiyga aytishi mumkin edi. Bu futbolchini hech kim qoralab o‘tirmasdi. Endi futbolchilar ruhshunosning yordamini olishadi.
Terrorchilarning maqsadiga keladigan bo‘lsak, ular «Borussiya»ni emas, balki butun Germaniyaning dilini og‘ritmoqchi bo‘lishgan» - dedi Vaske Spiegel xabarida.
