«Manchester Siti» bosh murabbiyi Xosep Gvardiola jamoa yarim himoyachisi David Silvadan juda xursand.
«Bilasizmi, g‘oyat baxtli insonman, chunonchi, Xavi va Inyesta kabi yetuk ijrochilarga murabbiylik qildim. Endi vaziyat biroz o‘zgardi va qo‘l ostimda David Silva bor.
Bu o‘rinda ham gap buyuk futbolchi haqida ketmoqda. Silva har bir mashg‘ulotda qoyil qoldiradi. Mana, necha yildirki, yuqori saviyada o‘ynamoqda. David yaqindagina «Manchester Siti»da 300-o‘yinini nishonladi - bu ko‘p narsadan dalolat.
Menimcha, u yanada oldinroqqa bora oladi. Yodimda, «Barselona»ga ustozlik qilganimda, «Valensiya»ni boshqargan Unai Emeri bilan gaplashgandim. U shunday degandi: «Ishon, Silva «Barselona»ga ayni kerak o‘yinchi».
Emerining fikriga to‘liq qo‘shilaman, u haq edi. Silvada qandaydir o‘ziga xoslik bor va u dunyodagi barcha sovrinlardan ham muhimroq»,-dedi Gvardiola.
