Oliy liganing 7-turida G‘uzorning "Sho‘rtan" klubi Namanganda "Navbahor" klubi mehmoni bo‘ladi.
«Navbahor» (Namangan) – «Sho‘rtan» (G‘uzor)
22 aprel 2017. Namangan. "Markaziy" stadion. 17:00
Hakamlar: I. Tantashev (Buxoro), H. Shodmonov (Buxoro), A. Qo‘ldoshev (Buxoro), D. Jalimov (Toshkent vil..)
Nazoratchi: A. Abdullayev (Toshkent).
“Sho‘rtan” hamda “Navbahor” oliy ligada 22 bora to‘qnash kelishgan. Shulardan 11tasida “Navbahor” g‘olib bo‘lgan, 3ta o‘yinda g‘olib aniqlanmagan. “Sho‘rtan” hozirga qadar “Navbahor”ni 8 marta mag‘lub etgan. To‘plar nisbatida ham ustunlik vodiy klubi tomonida - 34:31. O‘zaro o‘inlarda “lochinlar” 36 ochkoni, “oq bo‘rilar” esa 27 ochkoni qo‘lga kiritgan.
“Navbahor”ning “Sho‘rtan” ustidan qozongan yirik g‘alabasi – 4:0ga teng. Qizig‘i “Sho‘rtan”ning ushbu raqib ustidan qozongan eng yirik g‘alabasi ham 4:0 bo‘lib turibdi.
2016 yil Namangandagi o‘yinda tomoshabinlar 4ta gol guvohiga aylanishgan. Maydon egalari safida Aleksandr Pishur, Akram Baxriddinov, Muydin Mamazulunovlar bittadan gol urishgan. G‘uzorliklar tarkibida Abbos Omonov uz nomini tabloga yozdirib qo‘ygandi – 3:1. G‘uzordagi uchrashuvda 5ta gol urilgan. 3:2 hisobidagi g‘alabani “Sho‘rtan” ilib ketgandi.
Namanganda bo‘lib o‘tgan so‘nggi 6 uchrashuv:
16.04.2016 «Navbahor» - «Sho‘rtan» 3:1
26.06.2015 «Navbahor» - «Sho‘rtan» 4:2
20.06.2013 «Navbahor» - «Sho‘rtan» 0:1
17.11.2012 «Navbahor» - «Sho‘rtan» 1:1
20.03.2011 «Navbahor» - «Sho‘rtan» 0:0
18.04.2010 «Navbahor» - «Sho‘rtan» 4:0
O‘zaro o‘yinlar haqida fakt: Vodiyda bo‘lib o‘tgan o‘yinlarda mezbonlar 7 bor g‘alaba qozonishgan. 3 bora tomonlar durang qayd etishgan. Bitta bahsda esa “Sho‘rtan” safarda uch ochko qo‘lga kiritgan.
