Bugun Chempionlar ligasi yarimfinal bosqichiga qur’a tashlash marosimi o‘tkaziladi.
Avvalo, yarimfinal ishtirokchilarini esga olamiz:
"Atletiko" (Ispaniya)
"Monako" (Fransiya)
"Real" (Ispaniya, amaldagi chempion)
"Yuventus" (Italiya)
YECHL yarimfinaliga qur’a tashlash marosimi UYEFA shtab-kvartirasi joylashgan Shveysariyaning Nyon shahrida bo‘lib o‘tadi. Marosim Toshkent vaqti bilan soat 15:00da boshlanadi.
Qur’ada hech qanday cheklovlar va savatchalarga ajratilishlar bo‘lmaydi. Istalgan jamoa har qanday raqib bilan to‘qnash kelishi mumkin.
Yarim final bosqichining dastlabki o‘yinlari 2 va 3 may, javob bahslari esa 9 va 10 may kunlari o‘tkaziladi. Qur’a jarayonida nomi birinchi tortilgan klub dastlabki o‘yinni o‘z uyida o‘tkazadi.
15:00 - Qur’a tashlash marosimi boshlandi. Ayni paytda uning tartibi tushuntirilmoqda.
15:05 - Qur’a tashlash marosimini Uels futboli yulduzi Yan Rash o‘tkazadi.
15:06 - Yarimfinalga chiqqan jamoalarni tanishtiruvchi videorolik namoyish etilmoqda.
15:10 - Yarimfinalchi jamoalarning sport direktorlari sahnada o‘z fikrlari bilan o‘rtoqlashdi.
15:15 - Endi qur’a jarayoni boshlandi. Yan Rash sharchalarni savatdan oladi.
- "Real Madrid" - "Atletiko"
- "Monako" - "Yuventus"
...
Dastlabki o‘yinlar nomi birinchi ko‘rsatilgan jamoalar maydonida o‘tkaziladi.
E’tiboringiz uchun rahmat!
