Бугун Чемпионлар лигаси яримфинал босқичига қуръа ташлаш маросими ўтказилади.
Аввало, яримфинал иштирокчиларини эсга оламиз:
"Атлетико" (Испания)
"Монако" (Франция)
"Реал" (Испания, амалдаги чемпион)
"Ювентус" (Италия)
ЕЧЛ яримфиналига қуръа ташлаш маросими УЕФА штаб-квартираси жойлашган Швейцариянинг Ньон шаҳрида бўлиб ўтади. Маросим Тошкент вақти билан соат 15:00да бошланади.
Қуръада ҳеч қандай чекловлар ва саватчаларга ажратилишлар бўлмайди. Исталган жамоа ҳар қандай рақиб билан тўқнаш келиши мумкин.
Ярим финал босқичининг дастлабки ўйинлари 2 ва 3 май, жавоб баҳслари эса 9 ва 10 май кунлари ўтказилади. Қуръа жараёнида номи биринчи тортилган клуб дастлабки ўйинни ўз уйида ўтказади.
15:00 - Қуръа ташлаш маросими бошланди. Айни пайтда унинг тартиби тушунтирилмоқда.
15:05 - Қуръа ташлаш маросимини Уэльс футболи юлдузи Йан Раш ўтказади.
15:06 - Яримфиналга чиққан жамоаларни таништирувчи видеоролик намойиш этилмоқда.
15:10 - Яримфиналчи жамоаларнинг спорт директорлари саҳнада ўз фикрлари билан ўртоқлашди.
15:15 - Энди қуръа жараёни бошланди. Йан Раш шарчаларни саватдан олади.
- "Реал Мадрид" - "Атлетико"
- "Монако" - "Ювентус"
...
Дастлабки ўйинлар номи биринчи кўрсатилган жамоалар майдонида ўтказилади.
Эътиборингиз учун раҳмат!
