Fransiya terma jamoasi bosh murabbiyi Didye Desham YECHL yarimfinalida "Yuventus"ning "Monako" to‘sig‘idan o‘tish imkoniyatini yuqori chamaladi

"Monako" chempionlar ligasi yarimfinaliga qadar yetib borganiga qaramay, unga "Yuve", "Atletiko" va "Real"da bor mahorat yetishmaydi. Monegasklar yaxshi kampaniya o‘tkazmoqdalar, ammo ularda "Yuventus"dagi tajriba yo‘q. Turinliklarning yana bir ustunliklari - javob uchrashuvini o‘z uylarida o‘tkazishidir.

"Yuve" "Monako"ni mensimaydi deyu o‘ylamayman. "Yuventus" bu kabi sinovlarga ko‘nikib ketgan va chempionlar ligasida g‘olib chiqish uchun yaralgan. Allegri - Yevropaning eng yaxshi taktiklaridan biri. U jamoani qayta qurdi va ko‘proq hujum uyushtiradigan jamoaga aylantirdi. Bundan tashqari, to‘rt hujumchisi bor jamoaning himoyasida barcha futbolchilarning ishtirok etishini kuzatish qiziq", - deydi Desham.

"Monako" - "Yuventus" o‘rtasidagi birinchi uchrashuv 3 may kuni bo‘lib o‘tadi.