Londondagi mashhur fitnes-klubda noodatiy mashg‘ulotlar o‘tkazila boshlandi. Ularga ko‘ra, tashrifchilar 45 daqiqa davomida uxlashi mumkin, deb xabar beradi «RIA Novosti».

Kurs Napercise (nap — uxlash va excercise — mashq so‘zlaridan) deb ataladi. Ushbu kursga tashrif buyurganlarga shtanga va velotrenajyorlar o‘rniga bir o‘rinli to‘shak, yostiq-ko‘rpa va ko‘z uchun niqob taqdim etiladi.

Mashg‘ulotlar mushaklarni bo‘shatish mashqlaridan boshlanadi va ular bilan tugaydi. Bu go‘yoki uyqu uchun ideal harorat yaratadi.

Agar ushbu tashabbus muvaffaqiyatli yakunlansa, mashg‘ulotlarni butun Buyuk Britaniyada o‘tkazish rejalashtirilmoqda.