"Nyukasl"ning ikki yetakchi futbolchisi — Entoni Gordon va Sandro Tonali Angliyaning boshqa bir klubi — "Manchester Yunayted"ning qiziqishlari doirasida bo‘lib turibdi. Bu haqda insayder Ben Jeykob o‘zining ijtimoiy tarmoqlarida xabar bermoqda.
"Qizil iblislar" rahbariyati ushbu ikki transfer uchun 200 million yevro sarflashga tayyor. "Nyukasl" esa o‘z navbatida o‘z yetakchilarini jamoada saqlab qolishga harakat qiladi.
Joriy mavsumda Gordon 37 ta uchrashuvda ishtirok etib, o‘z hisobiga 14 ta gol va 5 ta golli uzatmani yozdirib qo‘ydi. Italiyalik yarim himoyachi Sandro Tonaliga kelsak, u 41 ta bahsda maydonga tushib, 2 ta gol va 5 ta assist qayd etgan.
