"Ньюкасл"нинг икки етакчи футболчиси — Энтони Гордон ва Сандро Тонали Англиянинг бошқа бир клуби — "Манчестер Юнайтед"нинг қизиқишлари доирасида бўлиб турибди. Бу ҳақда инсайдер Бен Жейкоб ўзининг ижтимоий тармоқларида хабар бермоқда.

"Қизил иблислар" раҳбарияти ушбу икки трансфер учун 200 миллион евро сарфлашга тайёр. "Ньюкасл" эса ўз навбатида ўз етакчиларини жамоада сақлаб қолишга ҳаракат қилади.

Жорий мавсумда Гордон 37 та учрашувда иштирок этиб, ўз ҳисобига 14 та гол ва 5 та голли узатмани ёздириб қўйди. Италиялик ярим ҳимоячи Сандро Тоналига келсак, у 41 та баҳсда майдонга тушиб, 2 та гол ва 5 та ассист қайд этган.