Madridning "Real" klubi rahbariyati Alvaro Arbeloa qo‘l ostidagi jamoaning o‘yinidan norozi. Mutaxassis Xabi Alonso iste’foga chiqarilganidan so‘ng mavsum davomida "qaymoqranglilar" boshqaruvini qo‘lga olgan edi.
"Sport.es" nashri xabariga ko‘ra, Chempionlar ligasida "Benfika"ga qarshi bo‘ladigan javob o‘yini ispaniyalik mutaxassisning kelajagini belgilab berishi mumkin. Agar "qirollik klubi" muvaffaqiyatsizlikka uchrasa, Arbeloaning ishdan bo‘shatilish ehtimoli juda yuqori.
Birinchi o‘yinda "Real" safarda Joze Mourinyo jamoasini 1:0 hisobida minimal farq bilan mag‘lub etgan edi. Javob bahsi chorshanba kuni, 25 fevral kuni Madriddagi "Santyago Bernabeu" stadionida bo‘lib o‘tadi.
