«Yuventus» hujumchisi Paulo Dibala o‘z o‘yini va golni nishonlash uslubi haqida gapirdi.

«To‘pni qabul qilib olishdan oldin, tezroq darvozaga yo‘llash haqida qayg‘uraman. Chunki uni tepishga vaqt yetishmay qolishi mumkin. Zamonaviy futbolda juda tez qaror qabul qilish kerak.

Chap oyog‘imdan ko‘proq foydalanishga intilaman, bu mening asosiy ko‘zirim. Raqib futbolchilarining o‘yinini o‘rganaman, umaman olganda jamoamning foydasi uchun mehnat qilaman.

Yil boshida golni qanday nishonlash haqida o‘ylanib qoldim. Shundan so‘ng «Dibala niqobi»ni o‘ylab topdim. Unda qandaydir ma’no va omad bor. Shu tarzda golni nishonlab boshlaganimdan so‘ng, ishlarim yurishib ketdi. Panjamni burnimdan pastroqqa tushiraman, menga shunisi yoqadi. Har kim o‘ziga yoqqanini qilaveradi» - dedi Dibala.