«Ювентус» ҳужумчиси Пауло Дибала ўз ўйини ва голни нишонлаш услуби ҳақида гапирди.
«Тўпни қабул қилиб олишдан олдин, тезроқ дарвозага йўллаш ҳақида қайғураман. Чунки уни тепишга вақт етишмай қолиши мумкин. Замонавий футболда жуда тез қарор қабул қилиш керак.
Чап оёғимдан кўпроқ фойдаланишга интиламан, бу менинг асосий кўзирим. Рақиб футболчиларининг ўйинини ўрганаман, умаман олганда жамоамнинг фойдаси учун меҳнат қиламан.
Йил бошида голни қандай нишонлаш ҳақида ўйланиб қолдим. Шундан сўнг «Дибала ниқоби»ни ўйлаб топдим. Унда қандайдир маъно ва омад бор. Шу тарзда голни нишонлаб бошлаганимдан сўнг, ишларим юришиб кетди. Панжамни бурнимдан пастроққа тушираман, менга шуниси ёқади. Ҳар ким ўзига ёққанини қилаверади» - деди Дибала.
