Joriy mavsumda "Olmaliq" safiga “Andijon”dan kelib qo‘shilgan darvozabon Xurshid Xodjayev so‘nggi to‘rt uchrashuvda munosib ishtirok etdi.
Xurshid o‘z darvozasi dahlsizligini saqlash bo‘yicha shaxsiy rekordini yangiladi. U 2016 yilgi mavsumning so‘nggi besh uchrashuvida raqib futbolchilariga gol urish imkonini bermagandi. Umumiy hisobda Xodjayevning “quruq” seriyasi 2016 yil 24 sentyabrdan boshlangan. O‘sha kuni “Andijon” safarda “Mash’al”ga yirik 0:5 hisobida mag‘lubiyatga uchradi. Uchrashuvda beshinchi gol 80-daqiqada Zohir Qo‘ziboyev tomonidan kiritilgandi. Shu bahsda beshta to‘p o‘tkazib yuborgan Xurshidni kechagi bahsga qadar 811 daqiqa biror futbolchi xafa qila olmadi.
Xodjayevning gol o‘tkazmagan o‘yinlari statistikasi quyidagicha:
Sana Uchrashuv Daqiqa
24.09.2016 “Mash’al” – “Andijon” 5:0 10
22.10.2016 “Andijon” – “Metallurg” 0:0 90
29.10.2016 “Olmaliq” – “Andijon” 0:0 90
03.11.2016 “Andijon” – “Bunyodkor” 0:0 90
16.11.2016 “Obod” – “Andijon” 0:0 90
22.11.2016 “Andijon” – “Navbahor” 1:0 90
07.04.2017 “Olmaliq” – “Nasaf” 1:0 90
14.04.2017 “Obod” – “Olmaliq” 0:1 90
22.04.2017 “Olmaliq” - “Qizilqum” 0:0 90
29.04.2017 “Neftchi” – “Olmaliq” 1:1 81
JAMI 811
So‘nggi 15 yillikda oliy ligada qayd etilgan ko‘rsatkichlar bilan taqqoslasak, Xodjayev natijasi birinchi o‘rinda turibdi.
2006 yil Ignatiy Nesterov (Paxtakor) 9 o‘yinda 750 daqiqa (12.03.2006dan 12.11.2006gacha)
2012-2013 yil Ignatiy Nesterov (Bunyodkor) 10 o‘yinda 719 daqiqa (08.10.2012dan 14.04.2013gacha)
2008 yil Pavel Bugalo (Bunyodkor) 9 o‘yinda 679 daqiqa (17.08.2008dan 09.11.2008gacha)
2002-2003 yil Ignatiy Nesterov 8 o‘yinda 675 daqiqa (03.08.2002dan 18.03.2003gacha)
2016 yil Murod Zuhurov (Bunyodkor) 7 o‘yinda 665 daqiqa (17.09.2016dan 17.11.2016gacha)
